2015 jylǵy 20 aqpan, Astana qalasy
Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdalaryn bekitý týraly
«Elektr energetıkasy týraly» 2004 jylǵy 9 shildedegi Qazaqstan Respýblıkasy Zańynyń 5-babynyń 11) tarmaqshasyna sáıkes buıyramyn:
1. Qosa berilip otyrǵan Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdalary bekitilsin.
1. Qazaqstan Respýblıkasy Energetıka mınıstrliginiń Elektr energetıkasy departamenti Qazaqstan Respýblıkasynyń zańnamasynda belgilengen tártippen:
1) osy buıryqtyń Qazaqstan Respýblıkasynyń Ádilet mınıstrliginde memlekettik tirkelýin;
2) osy buıryq Qazaqstan Respýblıkasy Ádilet mınıstrliginde memlekettik tirkeýden ótkennen keıin kúntizbelik on kún ishinde merzimdi baspasóz basylymdarynda jáne «Ádilet» aqparattyq-quqyqtyq júıesinde resmı jarııalaýǵa jiberilýin;
3) osy buıryqtyń Qazaqstan Respýblıkasy Energetıka mınıstrliginiń resmı ınternet-resýrsynda jáne memlekettik organdardyń ıntranet-portalynda ornalastyrýyn;
4) osy buıryqty Qazaqstan Respýblıkasy Ádilet mınıstrliginde memlekettik tirkegennen keıin on jumys kúni ishinde Qazaqstan Respýblıkasy Energetıka mınıstrliginiń Zań qyzmeti departamentine osy tarmaqtyń 2) jáne 3) tarmaqshalarymen kózdelgen is-sharalardyń oryndalýy týraly málimetterdi usynýdy qamtamasyz etsin.
3. Osy buıryqtyń oryndalýyn baqylaý jetekshilik etetin Qazaqstan Respýblıkasy Energetıka vıse-mınıstrine júktelsin.
4. Osy buıryq alǵashqy resmı jarııalanǵan kúninen keıin kúntizbelik on kún ótken soń qoldanysqa engiziledi.
Mınıstr V.ShKOLNIK.
Qazaqstan Respýblıkasy Energetıka mınıstriniń 2015 jylǵy 20 aqpandaǵy №110 buıryǵymen bekitilgen
Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdasy
1. Jalpy erejeler
1. Osy Jańadan paıdalanýǵa beriletin generasııalaıtyn qondyrǵylardy salýǵa tender ótkizý qaǵıdasy (budan ári – Qaǵıda) «Elektr energetıkasy týraly» Qazaqstan Respýblıkasynyń 2004 jylǵy 9 shildedegi Zańynyń (budan ári – Zań) 5-baby 11) tarmaqshasyna sáıkes ázirlendi jáne jańadan paıdalanýǵa beriletin generasııalaıtyn qondyrǵylardy salýǵa tender ótkizý tártibin aıqyndaıdy.
2. Osy Qaǵıdada mynadaı uǵymdar paıdalanylady:
1) qatysýǵa ótinim – tenderdi uıymdastyrýshyǵa tenderge qatysýshy usynǵan, tenderdi uıymdastyrýshynyń jáne osy Qaǵıdanyń 7-tarmaǵynda kórsetilgen qujattar jıyntyǵyn qosa otyryp, osy Qaǵıdanyń talaptaryna sáıkes resimdelgen ótinim;
2) tenderge qatysýshy – osy Qaǵıdaǵa sáıkes jańadan paıdalanýǵa beriletin generasııalaıtyn qondyrǵylardy salýǵa arnalǵan tenderge óziniń qatysatyndyǵy týraly málimdegen áleýetti ınvestorlar;
3) tenderdi uıymdastyrýshy – elektr energetıkasy salasyna basshylyqty júzege asyratyn ýákiletti organ;
4) tenderlik komıssııa – tender qorytyndysyn shyǵarý úshin tenderdi uıymdastyrýshy quratyn komıssııa;
5) tenderlik qujattama – jańadan paıdalanýǵa beriletin generasııalaıtyn qondyrǵylardyń sıpaty men talap etiletin tehnıkalyq, sapalyq jáne paıdalaný sıpattamasy jáne jańadan paıdalanýǵa beriletin generasııalaıtyn qondyrǵylardy salýǵa arnalǵan úlgilik shart negizinde jańadan paıdalanýǵa beriletin generasııalaıtyn qondyrǵylardy salýǵa arnalǵan shart jobasy qamtylǵan jańadan paıdalanýǵa beriletin generasııalaıtyn qondyrǵylardy salýǵa arnalǵan tenderlik qujattama toptamasy;
6) tenderlik ótinim – tenderdi uıymdastyrýshyǵa tenderge qatysýshy tehnıkalyq-ekonomıkalyq esepti qosa usynǵan ótinim;
7) tehnıkalyq-ekonomıkalyq esep – jańadan paıdalanýǵa beriletin generasııalaıtyn qondyrǵylardyń sıpaty men talap etiletin tehnıkalyq, sapalyq jáne paıdalanýshylyq sıpattamasy negizinde tenderge qatysýshy qurastyrǵan qurylys qunynyń esebi.
Osy Qaǵıdada paıdalanylatyn ózge uǵymdar men anyqtamalar Qazaqstan Respýblıkasynyń elektr energetıkasy týraly zańnamasyna sáıkes qoldanylady.
2. Jańadan paıdalanýǵa beriletin generasııalaıtyn
qondyrǵylardy salýǵa tender ótkizý tártibi
3. Boljanyp otyrǵan elektr qýatynyń tapshylyǵyn jabý úshin tenderdi uıymdastyrýshy ony ótkizý merzimderin kórsete otyryp, jańadan paıdalanýǵa beriletin generasııalaıtyn qondyrǵylar salýǵa tender (budan ári – tender) ótkizedi.
4. Tenderdi ótkizý úshin tenderdi uıymdastyrýshy quramy men erejesin óz buıryǵymen bekitip tenderlik komıssııany qurady.
5. Tender uıymdastyrýshy:
1) jańadan paıdalanýǵa beriletin generasııalaıtyn qondyrǵylardyń sıpatyn jáne talap etiletin tehnıkalyq, sapalyq jáne paıdalaný sıpattamasyn;
2) jańadan paıdalanýǵa beriletin generasııalaıtyn qondyrǵylardy salý shartynyń jobasyn qamtıtyn tenderlik qujattamany ázirleıdi jáne bekitedi.
6. Tenderdi uıymdastyrýshy tenderlik qujattamasy bekitilgen kúninen bastap úsh jumys kúninen keshiktirmeı, biraq tenderge qatysýshynyń tenderge qatysýǵa arnalǵan qujattar men materıaldardy usyný kúni aıaqtalǵanǵa deıin keminde kúntizbelik otyz kún buryn tenderdi ótkizý týraly habarlandyrýdy buqaralyq aqparattar quraldarynda jarııalaıdy.
7. Tenderge qatysý úshin tenderge qatysýshylar mynalardy:
1) tenderge qatysýshynyń qoly qoıylǵan aryz;
2) zańdy tulǵany memlekettik tirkeý (qaıta tirkeý) týraly anyqtamanyń kóshirmesin;
3) ótinim berýshiniń birinshi basshysynyń jeke basyn kýálandyratyn qujatynyń kóshirmesin;
4) zańdy tulǵa jarǵysynyń kóshirmesin;
5) ótinim berýshiniń birinshi basshysynyń nemese ony almastyratyn tulǵanyń, sondaı-aq bas býhgalterdiń (býhgalterdiń) qoly qoıylǵan, sońǵy esep berý kúnindegi qarjylyq eseptiliktiń kóshirmesin;
6) ótinim berýshiniń banktik esep shotyndaǵy aqsha qozǵalysy týraly bank qyzmet kórsetýshisiniń úzindi kóshirmesin (kartotekanyń joq ekendigi týraly) jáne tenderge qatysýǵa ótinim bergen kúnine bir jyldan aspaıtyn kredıttik tarıhy bar tolyq nemese ishinara málimetterdi qamtıtyn kredıt bıýrosynan alynǵan kredıttik esepti;
7) qatysýǵa ótinim berilgen kúnge úsh aıdan aspaıtyn merzimmen bıýdjetke salyq jáne basqa da mindettemeler boıynsha bereshekterdiń bolýy nemese bolmaýy týraly tirkeýdi esepke alý orny boıynsha memlekettik kiris organynyń anyqtamasyn qamtıtyn qatysýǵa arnalǵan ótinimdi usynady.
Eger zańdy tulǵa qujattardy tapsyrǵan sátke Qazaqstan Respýblıkasynyń rezıdenti bolyp tabylmaǵan jáne Qazaqstan Respýblıkasynyń salyq tóleýshisi retinde tirkelmegen jaǵdaıda, memlekettik kiris organynda salyq tóleýshi retinde memlekettik tirkelýiniń joqtyǵy týraly anyqtamanyń kóshirmesin usynady.
Sheteldik zańdy tulǵalar osy tarmaqtyń 2), 4) tarmaqshalarynda kórsetilgen zańdastyrylǵan qujattardy, saýda tiziliminen zańdastyrylǵan úzindi kóshirmeni nemese sheteldik zańdy tulǵa shet memlekettiń zańnamasy boıynsha zańdy tulǵa bolyp tabylatyndyǵyn kýálandyratyn basqa da zańdastyrylǵan qujatty notarıat kýálandyrǵan qazaq jáne orys tilderindegi aýdarmasymen birge usynady.
8. Tenderge qatysýǵa arnalǵan ótinimdi tenderge qatysýshy tenderdi uıymdastyrýshyǵa tigilgen, paraqtary nómirlengen túrde beredi jáne sońǵy betin óz qolymen jáne mórimen rastaıdy.
9. Tenderge qatysýshy grammatıkalyq nemese arıfmetıkalyq qatelerin túzetýi qajet bolǵan jaǵdaılardy qospaǵanda, ótinimde joldar arasynda eshqandaı endirmelerge, óshirýlerge nemese qosyp jazýlarǵa jol berilmeıdi.
10. Tenderge qatysýǵa nıet bildirgen qatysýshy betki jaǵynda tolyq ataýy jáne tenderge qatysýshynyń poshtalyq mekenjaıy (eger ol «keshikti» dep jarııalansa, tenderge qatysýǵa arnalǵan tenderlik ótinimdi ashylmaǵan kúıinde qaıtarý maqsatynda), tenderdiń ataýy kórsetilgen japsyrylǵan konvertte olardy usynýdyń túpkilikti merzimi aıaqtalǵan ýaqytqa deıin usynady.
11. Qatysýǵa ótinimderdi komıssııa hatshysy tirkeıdi.
12. О́kiletti organǵa ótinimder usyný merzimi tender ótkizý týraly habarlanǵan kúnnen bastap kúntizbelik otyz kúndi quraıdy.
13. Tenderge qatysýǵa ótinimderdi qaraý qorytyndylary boıynsha mynadaı talaptarǵa sáıkes aıqyndalǵan tenderge qatysýshylar jiberiledi:
1) Zańdy tulǵanyń (tendere qatysýshy) memlekettik tirkelýi týraly anyqtamasynyń bolýy;
2) elektr qýaty qunynyń jalpy kóleminen keminde otyz prosent óz qarajaty esebinen qarjylandyrý esebinen jańadan paıdalanýǵa beriletin generasııalaıtyn qondyrǵylardy salý úshin jetkilikti qarjy men materıaldyq resýrstardyń bolýy;
3) qatysýǵa ótinimdi tapsyrý kúnine úsh aıdan aspaıtyn merzimdegi salyq beresheginiń bolmaýy;
4) onyń sońǵy bes jyl ishinde memlekettik organdarmen jáne uıymdarmen jasasqan sharttar nemese uqsas merdigerlik sharttar boıynsha mindettemelerdi oryndamaǵany nemese tıisinshe oryndamaǵany úshin sot arqyly jaýapkershilikke tartylmaýy.
14. Tenderlik komıssııa, eger tenderge qatysýshy usynǵan málimetter osy Qaǵıdanyń 13-tarmaǵyna sáıkes kelmese, tenderge qatysýǵa ótinimdi qabyldamaý quqyǵyna ıe.
15. Usynýdyń túpkilikti merzimi ótkennen keıin usynylǵan, qatysýǵa ótinimi bar konvert tirkelýge jatpaıdy jáne tenderge qatysýshyǵa qaıtarylady.
16. Tenderdi uıymdastyrýshynyń qatysýǵa ótinimderdi qaraý merzimi tenderge qatysýshylardyń qatysýǵa ótinimderdi usyný merziminiń aıaqtalý kúninen bastap on jumys kúnin quraıdy.
Qatysýǵa ótinimderdi usyný merzimderi aıaqtalǵannan keıin tenderdi uıymdastyrýshy tenderge qatysýshyǵa tenderge jiberilgendigi týraly habarlamany jáne bekitilgen tenderlik qujattamany jiberedi.
17. Tenderge qatysýshy bekitilgen tenderlik qujattamany alǵannan keıin tehnıkalyq-ekonomıkalyq esepti qurastyrady jáne ony japsyrylǵan konvertte tenderdi uıymdastyrýshyǵa usynady.
18. Tehnıkalyq-ekonomıkalyq esepti qurastyrý merzimi tenderge qatysýshylar tenderge jiberilgendigi týraly habarlamany jáne bekitilgen tenderlik qujattamany alǵan kúninen bastap alty aıdan aspaıtyn merzimdi quraıdy.
19. Tehnıqalyq-ekonomıkalyq esepti berý kezinde tenderge qatysýshy osy Qaǵıdanyń 7-tarmaǵynyń 5), 6) jáne 7)-tarmaqshalaryna sáıkes tenderdi uıymdastyrýshyǵa aktýaldyq aqparat jiberedi.
20. Tenderge qatysýǵa arnalǵan tenderlik ótinimderi bar konvertterdi ashýdy tenderlik komıssııa tenderdi uıymdastyrýshy tenderlik qujattamada kórsetken kúni, ýaqytta jáne orynda, tenderlik komıssııa músheleriniń kópshiliginiń, sondaı-aq tenderge qatysýshylar nemese olardyń ýákiletti ókilderiniń qatysýymen júrgizedi.
21. Tenderlik komıssııa tenderlik ótinimderi bar konvertterdi ashqannan keıin kúntizbelik otyz kúnnen aspaıtyn merzimde tender qorytyndylaryn shyǵarady.
22. Tenderlik komıssııa tenderge qatysýǵa arnalǵan tenderlik ótinimder bar konvertterdi ashý hattamasyn konvertterdi ashqan kúninen keıingi bes jumys kúninen keshiktirmeıtin merzimde resimdeıdi.
23. Tenderge qatysýǵa arnalǵan tenderlik ótinimderi bar konvertterdi ashý hattamasyna qol qoıylady jáne otyrysqa qatysyp otyrǵan tenderlik komıssııanyń barlyq músheleri, onyń tóraǵasy, onyń orynbasary, sondaı-aq tenderlik komıssııanyń hatshysy ár betine qol qoıady.
24. Tenderge qatysýshylar tenderlik ótinimderdi qaraý kezinde qatyspaıdy.
25. Tenderlik ótinimderdi qaraý barysy týraly aqparat jáne materıaldar qupııalyq sıpatqa ıe jáne qaraý rásimine resmı qatysy joq tulǵalarǵa berilmeıdi.
26. Tender:
1) tenderge qatysýshylar ekeýden kem bolǵan;
2) barlyq qatysýshylar usynǵan qujattar osy Qaǵıdanyń 7-tarmaǵyna sáıkes kelmegen jaǵdaılarda ótpedi dep tanylady.
27. Eger tender ótkizilmegen dep tanylǵan jaǵdaıda, tenderdi uıymdastyrýshy tenderdi qaıta ótkizedi.
28. Tenderdi qaıta ótkizý bastapqy tender ótkizilgen tártippen júrgiziledi.
29. Tenderge qatysýshylar arasynan tenderdiń jeńimpazyn tańdaý, tenderlik komıssııanyń jalpy sanynan keminde úshten eki bóligi qatysqan jaǵdaıda, tenderlik komıssııasynyń otyrysynda júrgiziledi. Tenderlik komıssııanyń belgili bir múshesi bolmaǵan jaǵdaıda, jańadan paıdalanýǵa beriletin generasııalaıtyn qondyrǵylardy salý jónindegi tenderlik komıssııanyń hattamasynda (budan ári – tenderlik komıssııanyń hattamasy) osy faktini rastaıtyn qujatty qosa bere otyryp (ol bolǵan jaǵdaıda), onyń bolmaý sebebi kórsetiledi.
Tenderlik komıssııanyń sheshimi ashyq daýys berý arqyly qabyldanady jáne eger oǵan qatysqan tenderlik komıssııasy músheleriniń jalpy sanynyń kópshiligi daýys berse, qabyldandy dep esepteledi. Daýystar teń bolǵan jaǵdaıda, tenderlik komıssııasy tóraǵasynyń nemese ol bolmaǵan jaǵdaıda tóraǵanyń orynbasary daýys bergen sheshim qabyldandy dep esepteledi.
Tenderlik komıssııanyń sheshimimen kelispegen jaǵdaıda, osy tenderlik komıssııanyń kez kelgen múshesi jazbasha túrde jazylǵan jáne tenderlik komıssııanyń hattamasyna qosa berilgen óziniń erekshe pikirin bildiredi.
30. Tenderlik komıssııanyń sheshimi boıynsha tenderlik qujattamada qamtylǵan barlyq talaptarǵa jaýap beretin jáne osy Qaǵıdanyń 13-tarmaqshasynda kózdelgen tender sharttaryn oryndaý bóliginde úzdik bolyp tabylatyn qatysýshy tender jeńimpazy bolyp tanylady.
31. Tender jeńimpazy bolyp tanylǵan tender qatysýshysyna tenderdi uıymdastyrýshy tender qorytyndysyn shyǵarǵan kúninen bastap kúntizbelik on bes kún ishinde jańadan paıdalanýǵa beriletin generasııalaıtyn qondyrǵylardy salýǵa arnalǵan shart jobasyn jiberedi.
32. Tender jeńimpazy jańadan paıdalanýǵa beriletin generasııalaıtyn qondyrǵylardy salýǵa arnalǵan shart jobasyn alǵan kúnnen bastap on jumys kúni ishinde kórsetilgen shartqa qol qoıady.
33. Tender qorytyndysy shyqqan kúninen bastap kúntizbelik qyryq bes kún ishinde tenderdi uıymdastyrýshy tender jeńimpazymen jańadan paıdalanýǵa beriletin generasııalaıtyn qondyrǵylardy salýǵa arnalǵan shart jasasady, onda generasııalaıtyn qondyrǵylardyń paıdalanýǵa berý merzimin jáne tender jeńimpazy qabyldaǵan mindettemelerdi oryndamaǵany jáne (nemese) tıisti oryndamaǵany úshin jaýapkershilikti aıqyndaıdy.
34. Jańadan paıdalanýǵa beriletin generasııalaıtyn qondyrǵylardy salýǵa arnalǵan shartty jasasqan kúninen bastap kúntizbelik otyz kún ishinde júıelik operator tender jeńimpazymen tenderdi uıymdastyrýshy belgilegen baǵa, kólem boıynsha jáne merzimde jańadan paıdalanýǵa beriletin generasııalaıtyn qondyrǵylardyń elektr qýatynyń ázirligin qoldaý boıynsha qyzmetterdi satyp alý týraly shart jasasady.
35. Qazaqstan Respýblıkasynyń elektr energetıkasy salasyndaǵy zańnamasyna sáıkes osy Qaǵıdanyń 33 jáne 34-tarmaqtarynda kózdelgen sharttar ýákiletti organ bekitken úlgilik sharttarǵa qarap jasalady.
36. Qazaqstan Respýblıkasynyń elektr energetıkasy salasyndaǵy zańnamasyna sáıkes tenderdiń málimdelgen qujattaryn qaraý jáne sheshim qabyldaý kezinde tolyq qupııalylyq qamtamasyz etiledi.
Buıryq Qazaqstan Respýblıkasynyń Ádilet mınıstrliginde 2015 jylǵy 26 naýryzdaǵy Normatıvtik quqyqtyq kesimderdi memlekettik tirkeýdiń tizilimine №10535 bolyp engizildi.